係剛剛過去的星期，美股又創了歷史新高。而香港股市亦見到明顯的氣氛好轉，有接觸香港新股的朋友，相信近期亦銀包豐滿，但當中會否存在一個極大的病態原因呢？
美國大升嘅表面主要原因，係持續多時的中美貿易戰漸漸明朗，但其實有睇開股票的投資者都知或感受到，就算有冇談判、談判結果如何，將指數圖拉長睇，美股都係持續的上升。直接原因我認為是因為上年稅改後，大量資金回流美國，再不斷回購所導致。而這個情況已經出現一段長時間，所以就不再詳述了。
但現在，這種回購已經達到一個很嚴重的病態行為。由於各公司不斷回購再註銷股票，直接拉高咗每股盈利，令到股價不斷被推高，但其實實質的經營上增長真的追得上嗎？
以intel (INTC)公司為例，在剛剛的第三季業績報告中，用在回購股票中達至45億美元，但只有35億美元是用作r&d研究和開發。有睇開同傾開的朋友都應該知道，intel嘅技術明顯已經比其他晶片製造商落後，一個5G的晶片亦一再推遲。但現在的管理層寧願用更多嘅資金回購股票，亦不加快已經落後的腳步去追求未來發展。先看看公司落後的技術發展，再看看上面的股價圖，相信已經理解何謂病態。
投資者投資公司的股票，其實就是投資公司的未來，現在很多管理層放棄公司的未來，改以一個短視的方式推高股價，作為股票持有人係呢段時間當然情緒高漲，但係病態行為仲可以持續幾耐呢？
不過，我並唔會夠膽講，究竟呢個泡沫短期會唔會爆，或什麼形式的爆。但請有緣睇到的朋友量力而為，知足常樂。利申：我的其中一個全美股倉，本來槓桿比例2.5倍左右，開倉時預計要四五年左右先可以自動去槓桿，因為今次升浪，已經降至1.3-1.4，短期內將會適量減持令完全去槓桿化。多謝各位病態管理層令我慳回幾年青春。
半年了，很累吧！我自己都因為近期投資方面有點忙，而少了幫忙，亦好耐冇更新呢度。所以非常抱歉各位手足。但請大家唔好放棄，繼續做自己認為對的事。另外在此預祝各位聖誕及新年快樂，同埋再預預祝，恭喜發財，身體健康，萬事勝意。(因為唔肯定農歷新年前仲有冇時間再寫😂)
沒有留言:
張貼留言