三個男孩的冒險

俗語有話男仔永遠都唔會長大，一個三十歲男人嘅想法只是三個十歲嘅男仔加埋，但以我個人認為咁樣無比幸福，三個人諗三樣野總比獨自處理效率更高，更可以互相交流分享形勢。

這更好比喻我現有的投資，經過多年簡單複雜化同複雜複雜化後，現在可以分為：

商品及資產類貔貅、

股票貔貅、

債券貔貅，

簡單簡單化後令更容易做到資產配置，只要將蛋糕打橫切開三分就人人有份。

本來我的投資路只可算普普通通，海嘯冇沖走我，大時代又冇加減貨，所以令我仲可以係海中心浮沉，但在大約二年半前突然失去工作之後直到現在也是依靠之前投資的股息收入同二手飯生存至今未餓死，由此可知香港人平時幾咁浪費食物。

而今年17年對於我黎講可以話係人生中最難過的一年，感覺上同實際上失去所有。一方面為咗迫自己忙啲，而另一方面要重整收入，不得不放棄懶惰去重新調教下嗰三個小男孩，從此佢地又要放低遊戲機手掣繼續冒險喇

雖然我自己幻想到好似真係要去打怪咁，但實際投資同打機有很多相似地方，有些人鍾意睇住攻略打(即係伸手或參考)，而有些人會以自己投入感行先，不怕每關重玩地實際操作，但我相信只有自己親身經歷過嘅印象先會最深刻，而且假設有一日新遊戲冇咗攻略，從來只是按指示出招嘅玩家能打贏史萊姆嗎？

而且我自己並未爆機，所以我並沒有能力提供任何攻略可以幫人，但之前所行過嘅bad end同順利過關方法會盡力回憶作為紀錄。