對決債市的第一種惡魔－墮天使債 Fallen Angel Bonds

係債券市場中，債價會係短時間內大跌除咗違約之外，這種墮天使情況也是其中之一，呢種情況係形容那間公司最近或可預見的未來基本面出現問題，影響公司對債務的償還能力，而被評級機構下調評級導致。

由於級別被降會令到有限制級別投資比例的基金沽出，尤其是從投資級調至垃圾級別，這種出貨是類似香港孖展斬倉，以不計價直出，目標是最短時間內出清，而沽壓會做成更多止蝕盤，所以會令債價由天堂跌落黎，而亦因為咁樣變成為高收益債。係此時通常會有二個未來嘅走向：

(一)管理層績極改善助務狀況，令公司可以回歸投資級別，可以獲得更低嘅債務成本

(二)不能改善狀況，最後走上破產違約或被收購之路

之前的例子有Nokia，由於太遠不詳述了，而就用最近的例子CTL簡介一下，centurylink係美國的電訊商，係17年十月尾被Moody由Ba2降至Ba3，惠譽降至BB+(都唔知係唔係夾埋架)。被降級時債價即時山泥傾瀉咁滑落。而降級原因係收購了一間網路公司Level3，由於該公司規模相對唔細，評級機構擔心收購後公司內部槓桿水平提升以及未來的利潤下跌，令現金流出現問題。評级下調；債券超賣；YTM上升，形成了墮天使債嘅條件。(由於主要想講墮天使債，所以其他關於這公司基本面分析就不多說了)

墮天使債最吸引投資之處是因為賤價提供一個本來係投資級別不會出現的高收益率，二是平安到期回收番par value，而且係歴史上比直接投資垃圾債券更安全，係美國更有專門的ETF添。

而我認為墮天使並不是垃圾，相反可能更是機會，以價值投資角度，在過去每次有大事發生令股價短期內大跌都是特價入貨的好機會。但首先是要理解番該公司嘅基本因素同現金流狀況而決定，只要公司營運狀況冇特大改變，我係會願意繼續持有甚至加倍買入，期望佢有日能重返天堂。