係之前的投資時期，曾經將學到很多不同的公式及相關的理論放入，令到整個過程非常複雜，最後當完成計算就唔夠時間了解公司基本面而錯過好的買入時機(因為通常短期的套利買入價相差幾格回報已差好遠)，之後為咗能夠簡單更快作出決定，現在只會用簡單的小學雞數來衡量短期的交易價值，就係年化回報率AOR。
PV= Present Value 現值，即係本金
Y=365/360，D=整個過程日數
為咗不要又走上複雜複雜化的路上，我只係會用於有條件性下的短缐交易，例如公司私有化，出售資產派特別息，套利等。
基本條件有:
一 有時間性，並且在一年內完成(實際超過半年我已不會考慮)
二 Fv是可以預計或已公佈
三 可行性高
當經過計算後就會得出一個回報率，便可以初步估計有冇利可圖，從而決定值唔值得再花時間深入瞭解一下公司基本面。
會咁計算原因係時間值，時間是投資的必需品
假設用五日賺取1％回報同半年賺取15%回報簡直天壤之別
1%*365/5=73%
15%*365/182=30.08%
上面假設只是用現金投資，回報已相差超過一倍，若果係各方面條件許可下再運用槓桿，數字更為驚人，但由於槓桿操作需要加上另外的成本及回報，所以暫時不在此簡單簡單化公式詳述。
在計算以及完成公司基本因素後值不值得投資係每人都唔同，例如資金嘅成本(我睇法係就算資金閒置也要成本，有機會再講)，及自己可以承受嘅風險等，所以回報要達到心目中要求才會正式出手，有時賺唔到並不可惜，在市場上機會隨處可見，後悔而浪費時間不如再搵下次機會更好。
我係非常之不讃成盲目參考或跟買的，當然號碼或公司代號不會突然顯現係牆上，係不同途徑得知是正常的，但投資的錢同做決定是自己的，錢每次離開自己也有一定風險，以結果論贏同輸都應該要知道原因，等下次可以避免重犯錯誤，一單投資死咗都唔知乜事完全等於賭，要賭不如all in利物浦90分鐘年化回報率更高。
係自己親身寫個blog後覺得實在太高估自己的文字組合能力同低估所需時間，有時寫完重睇又會覺得表達唔好要再寫過，所以暫時目標係一星期能夠更新一次，希望可以做到。
沒有留言:
張貼留言