武器之後當然係：有效的攻擊範圍 (投資能力圈)

每個人都有自己嘅強項弱項，就好比遊戲內的攻擊範圍，係有效的範圍內，能夠準確發出攻擊，超過咗範圍除左不能有效命中，更可能被敵人有機可乘，輸得一敗塗地。

係投資股票方面的能力圈，其中就有能夠熟悉分析不同行業公司的基本因素。因為不同行業好公司的判斷也有不同，例如銀行股同科技股的市盈率pe和市賬率pb不應作互相比較，實業股不宜睇概念。我估計只有電視𥚃的神級股評家，先能做到幾秒內分析跨行業公司的前景，一般人來說只要知道自己買緊乜就夠了。

假設每個行業也是一個有效的攻擊範圍，並不是範圍越大越好，命中率高才是重點。熟習個人能力圈，可以縮短考慮時間，令把握機會提升。認清能力也很重要，對我而言，由於自己偏愛價值型股票，唔能夠計算資產價值的科技公司係弱點。現實最困難的往往是當誘惑出現，點樣能夠堅持留守自己的能力圈。

在我認識的投資世界內是沒有天才的，有的只是能力，而運氣不能控制，所以更不用列入。要提升自己的攻擊範圍同命中率，唯一的方法只有增加知識同技巧，簡單啲即係只有勤力。

小小故事分享：

係我剛踏入投資時，對大部分行業完全冇認識，可以話完全冇任何一格的攻擊範圍。係睇過一下投資書後，自以為能夠打天才波入市，第一次就同時買入二隻股票，結果一大勝一大敗，幸好保住本金。之後覺得咁樣落去唔係辦法，咁啱當年的內銀股開始上市，就借呢個機會先去了解一個行業，係附近銀行拎咗一本招股書，由於招股期只有幾日，所以更好比自己一個限期，最後都係要通宵研究。當第二第三隻內銀上市時也是同一做法，係比較幾間後就會開始發現相似和不同嘅地方，亦開始掌握投資內銀股的重要決定因素(其實成本野有八成係廢)。慢慢再延伸至其他本地銀行股什至外國的主要銀行。直至銀行股已覺得滿足唔到我嘅好奇心時，就開始去尋找下一行業(有機會再續)。

能力圈係一個非常公平的能力，並不是一定在某一種行業，可以是一種睇法或分析能力的存在。每個人也可以經過學習獲得，而且沒有捷徑。要擴大範圍只能付出。當能夠熟習操作能夠係圈內自由活動，更可不斷提升至放出連續技(投資組合)，加大回報和減少風險。

而最後係，就算係有效能力圈內，也並不是必定命中，只是能夠比圈外有一個較高的命中率同埋較低的死亡率。主要認清自己能力範圍，圈的大少並不重要，只要肯花時間就會有進步，避免圈外出擊，能夠遠離失敗就能更接近成功。

@__@今次又有一個初體驗，因為想開個blog同名嘅email，發現本來名太長同埋有符號不方便用，所以習慣簡單化的我，決定一炮過直接改埋網址，點知係連之前全部也改，所以要搵番就要用跟呢個再入主頁或search 中文名。