係投資冒險或角色扮演遊戲之中，金錢同HP(生命值)就是能夠繼續旅程嘅重要因素。若果係裝備𥚃，能夠有一種自動定時定量回復的技能，係無後顧之憂情況下，將會令整個冒險旅程更加容易進行。係投資𥚃面，我將被動收入比喻為自動回復技能。
被動收入粗俗啲解釋等於唔駛做有錢收，而近期最常見的講法係現金流或財務自由。被動收入其實可以分為很多種，收租、收息、或任何一切唔駛做而無時無刻提供收入的方式，有一種最簡單分辨方法，就係當自己訓覺時，那樣收入係唔係還在運轉中，繼續不停製造現金流，幫助回復生活上的消耗。
係香港，最常聽到的做法就係買樓收租，有錢買多層，買樓無得輸，買樓日日賺等，更是長老輩傳授的成功關鍵。當然佢地一輩意見亦有參考價值，因為食鹽多過我食米嘛。但以我個人觀點睇，樓只係用黎住，流動性比較低，以現在樓價租金收入所提供的回復量並不吸引。所以我選擇另一種也是受世人熟悉的方法-股息，來作為我投資冒險的裝備技能。
經實戰後，發現用股息建立一套被動收入其實並不是想像中咁困難，起碼比起買樓收租所需要的首期更容易。係選擇咗方法後，大致上只淨低資產配置同選股二樣工序。
選股方面就以自己能力圈為起點，逐步擴大。由於是要作為長期的收入，所以公司穩建，派息次數同比率要比短炒更為嚴格。(係呢刻我會再俾多樣目標自己，之後會逐步寫關於我對公司基本分析同行業分析方法)。
資產配置方面，係被動收入中最重要，因為決定了收入的穩定性同平均性的主角。若果分配得唔好，會受到經濟週期性的影響。如果不是長期能夠保持平穩收入，打打下魔王要去打工賺生活費就唔好啦。所以我會偏向投資分散行業、工具種類和不同的派息時間。
以我現時的小小例子：
被動收入投資分為股票、REITs 、債券、基金、黃金白銀
每年被動收入次數大概為198次
(次數係以呢一刻計，短期性的套利或短炒不計在內)
行業種類其實偏向日常生活中最常接觸得到更好，因為可以賺番自己消費嘛。最普遍例如地鐵、大家樂、維他奶、生力啤、維達同電燈公司都係係香港已上市。香港的股票市場，已經可以買齊衣食住行屙的基本生活基金。至於派息次數，其實多少因個人喜好而定，但我認為最少能夠做到每月二至三次，即每年24-36次派息，因為可以減少部分公司減派息的風險。相比起買層收租樓靠一個租客，每月一次性交的租，靠收股息生活風險已非常低。
建立一套自動回復的技能，開始時並不是一定要以唔駛做為目標，可以當做一個生活保障。係漫長嘅人生之中，好多事並唔能夠預計，當面對逆境時，有準備永遠比冇凖備好。若果係投資戶口內有自動回復功能，用咗嘅錢會隨著時間而填補，全力出去攻略也更能安心。
被動收入帶來的財務自由，亦可以睇作提早買回自己的時間，單純複製其他人組合並不能達到長遠自由，因為世界既經濟狀況係會改變，創造一個屬於自己的組合先能夠面對自己的需要，我個組合由計劃直到買入也只是用咗二個月時間(若組合內少啲公司會更快)，如果想買回自己以「年」計的人生，少少既時間也唔願意付出，我認為俾心機打工更為理想，投資係有風險的，呢個亦係我唔會提供number降的主要原因。自己要為自己的決定負責。(如果其他人的組合係回我血另作別論，若果有，請盡快聯絡我)
沒有留言:
張貼留言