愛因斯坦名言之一：「複利威力大於原子彈」
一個長時間的投資冒險旅程中，武器會因個人能力升級而得到提升，當中遇到不同情況可能需要更換不同武器，但好多時現實投資世界同RPG game裡一樣，往往是新手已能裝備的武器能力最強，如果我只能擁有一種武器，複利一種就夠了。
累積財富最主要的因素有：時間、本金、利率
係複利公式𥚃面正正能夠完全活用呢三種因素。
複利公式：
FV= Future Value 未來價值，即係最後所得
PV= Present Value 現值，即係本金
Rate=利率，n=複利期數
當列出黎之後看似簡單，可以話小學雞都識嘅數，但往往大部分人都唔能夠好好運用。如果好好運用呢個新手武器，投資生涯𥚃輸錢嘅機會係非常少。複利三樣必需品中，相信很多人也會著眼於本金，冇第一筆起動資金就算有時間同高嘅回報利率也沒有用，但我認為所欠缺的只是心態。
投資係需要有門檻，不同門檻可投資的級別也不同，但能夠作為新手可用的武器，複利門檻其實有等於無。
先由本金開始
以香港為例，為人熟悉的本地電力公司之一2638港燈，執筆時每股7.16，一手五百股，即3580一手，連手續費只需要不足3600港元就可以踏入投資的第一步。三千幾蚊若果一個月，平均每日120蚊，三個月的話平均每日40蚊，一年的話每日不足10蚊。十蚊係多與少因人而定，因為小弟也是購物狂，我明白魔鬼永遠在身邊，但若想以後不再為錢煩惱或未來更大的消費，只可以在當下消費與儲蓄決擇。
用複利讓錢為你工作
再以港燈現價股息率有5.58%為例，假設複息投資期係十年，每年將股息再買番同一隻股(假設股價不變，公司冇增長)，用以上公式代入
十年後股票價值6161.68，二十年後價值10605.134。在減除本金3680後，可見複利的第二個十年回報比第一個十年嘅純利更高，這正是複利再投資嘅能力。
當然上面的複利公式對我黎講，如果常用實在太複雜了，所以我通常只會用黎建立投資模型同埋FF用，而我最愛當然是簡單簡單化的
72定律：
本金一倍年期＝72/回報率
數字係死，人係生，若不需要太準確的最後數字，72定律基本上已能夠應付大部分的複利計算，只需要將72除回報率就能夠得出令本金倍增的時間，假設72/港燈的5.58=12.9年，即是只需12.9年，當初投入的本金就會增加一倍。回報率高，時間就會縮短。係消費魔鬼出現時，不妨用72定律同佢傾傾，呢一次消費十年後能夠為自己帶來什麼？
複利是能計算的投資使用，投機或不確定回報的交易並不適用。選擇投資時，需要考慮該公司係唔係一個良好讓複利滾存回報的平台(公司基本因素分析之後有機會再詳說)，我使用港燈作為例子，係因為能夠預測。呢一刻，我相信港燈十年後仍然存在。
以上只是計算例子，我並不是推介購買2638，投資是要做功課的，只要明白原理，揀一隻同十隻係冇分別，只要有心，香港係有比2638更多更好的股票
沒有留言:
張貼留言