世事如棋

世事如棋意思解世界各種事情，就好像捉棋一樣變化多端，每局都會因對手不同的棋路，令到全盤棋局不同。就像投資一樣，每一次升跌浪也有不同主題。但我想要說的並不是預言家的話，雖然本神獸略懂鍊金術，但也不能預知未來。

係一盤棋局𥚃，如果能夠比對手預先計算多幾步，預先佈局，勝算自然大增。就好比投資，預先跟據世界經濟狀況作出多種步處，當大事情發生時，自然能做到泰山崩於前而色不變。

在判斷棋局時，我會先分二個方向思考

一就是先組織好最近對經濟好壞的大事，是(好+壞)。經整理後就會開始見到利好多還是利空多。由於經濟狀況同股票息息相關，除咗週期股同一些逆向衍生工具外，基本上股票都是預先會反映出黎。即係黃子話所講：成幢樓倒塌，你個單位唔會無事吧。

二就是要假設事情發生，決定之後的策略同風險評估。由於劇本已經係心目中預演，當然要諗定方法，避開危險同埋抽水搵著數啦。唔係做乜要做咁多功課。

講咗一大堆嘢，都係為咗想表達要睇多一點，自然能夠知道自己投資方向。

以近期我所見的事：

美國十年國庫債券利率上升(即係之前說的無風險利率)

美國聯儲局上年開始的量化緊縮開始加快 (現時為每月200億美元，下月300億美元一個月)

稅改令赤字加大，帶來更多的發債壓力

通脹升溫 (消費者物價指數 CPI)

經濟放慢 (零售銷售下跌)

歐洲、日本央行可能退市

美國對鋼鐵同鋁徵收重關稅 (可能引發貿易戰)

習帝登基

港元匯價下跌 (係多年聯繋匯率以來最低水平)

中國海航集團債務問題 (因為不斷發債，買資產、抵押再做槓桿收購，近千億美元的債到期，煲蓋已經唔夠用)

以上只是我心血來潮列出所見的事一部份，組合起來看，顯示各國會開始收水同水緊，在過去幾年美好的低息環境將不會持續，經濟環境悪化，公司支出增加收入下跌，而且將會形成一個大惡性循環。最壞的打算係會踏入一個長時間的經濟衰退，因為要承擔埋在金融海嘯的延續。

就像上面所說，我並不是想做一個預言家，或一些財經人咁，可以背後冇或少理據支持下，就能推算恆指幾時四萬點等。若是比喻，我只是用一個金田一式推理去諗，當有殺人事件發生，都要有合理的過程同動機。一直以來世界各國嘅動機也是自保，而現在犯案過程亦越來越明顯。所以我相信我自己的想法，用來支持我的行動，在現時波動的階段，持續逢高位就沽貨，目的是減輕或避過我認為的危險。我心目中認為，睇股票並不是單單只睇實股價或間公司。從一盤棋角度，就算一整個行業也只是其中一隻棋子，當企後一覧成盤棋局，就能看得更多。

終於的起心肝寫下近期見聞，其實仲有非常多想寫下，因為我只是做紀錄近期大事的A4紙已經多到變成File。不過如果每樣詳細再講實在太辛苦了，而且有違我將投資簡單簡單化原則，如果想再深入了解每樣，google一定比我所寫的更清楚。總結就是我對後市不樂觀，所以我沽貨。當然我係同很多人一樣，不會為上述內容負上任何責任，至於推理方式問題就請搵金田一個爺爺追究。