食譜：溫水煮青蛙

主要材料：

聯儲局調高利率—-  一整個週期

量化緊縮 (QT)—-     二萬億美元

警戒性低青蛙—-      大量

配料：

一拖拉庫的經濟問題

在金融海嘯之後，美國為咗解決危機，實施三次量化寛鬆政策(QE)。大概講係提升負債規模，再買入公債同mbs(即係印錢托住)。詳情google下就更仔細。

因為我認為溫水煮青蛙，水先係重點，在市場上，貨幣供應量上升，利率自然低。係美國之後，好多國家都進行QE，全球嘅資金充裕，低息環境下，資金不斷追逐資產，令到資產價格一級級推上。情況就好像一枱poker，每個玩家就是國家，其中一個玩家不停加拎籌碼出來，其他玩家如果唔加注，就會怕被人一舖炒起，所以大家只有不停繼續加，而由於枱面嘅籌碼越來越多，賭局嘅注碼變得越來越大。

而現在，由於市場上開始逐步抽走水份，當水嘅份量越少，溫度會加快提升，對本身全力感受熱力的青蛙，已經開始跳出，而認為可以在感覺熱到難受才逃出個煲的青蛙門，可能最後只有被煮熟的下場。

美國市場，由於親身體會(即係蟹)，由於大部分投資者擔心加息步伐會加快，所以在之前高位後，reits同垃圾債已出現顯著下跌，並且沒有回升。即是聰明錢已經開始跟隨美國逐步去槓桿化，就是我之前提過甜蜜的時光完结。

講番香港，執筆呢一刻，美元兌港元已經去到7.8433，貼近聯繫匯率改制以來的最低，接近觸及7.85的弱方保證。反映港元持續轉弱，由於美國持續加息，香港未有跟加，而導致息差擴闊，會吸引資金流出港元買美元進行套利。當銀行內資金開始少，加息就會隨之而來，借貸成本增加，投資下降，各種被炒起的資產市場會受到衝擊，回歸合理水平。最壞打算，會吸引衝擊聯繫的投資者進一步追撃，情況就像金融風暴。當年結果就算政府大力出手，最後贏了大鱷，輸家始終係青蛙。

認為北水救世界的資深投資者請當睇唔到，習帝已成功登基，係偉大嘅習國面前，凡事皆可能，以上只是小弟亂吹，除咗已公布數字外，並無合理解釋。

本來想繼續寫關於價值投資，關於現金價值寫得幾句就未諗到。而且由於呢段時間巿場又冇乜價值野值得投資(我都冇買長倉好耐)，所以繼續吹下近期所見所聞，而由於大部分只是無知小弟的見解，錯漏難免百出，還請體諒。