當息魔無法避免時，只好去享受佢 (聯繫滙率/息差)

係好耐之前，我聽過一個講座，內容我已經大部分唔記得了，不過有句說話印象非常深刻，就係當強姦無法避免，只好去享受佢。聽落非常極端而可怕，但我認為當中意義深遠，教我學識接受逆境。套用現在港/美息差之上，亦非常合適，因為息率以及滙率係散戶不能控制，只好順勢接受並享受佢。

這個話題我會分為二部份去想：

(一、享受)因爲美國由15年底已經加息六次，掛鈎美元的港元未有跟加，令到二者息差存在1％以上，咁我可以做啲咩呢？

(二、接受)近期熱話的7.85弱方兌換保證後續發展

(一)係外滙市場，通常都係價差同息差，由於港元同美的元掛鈎係7.75-7.85之間，現在是7.85，香港除咗宜家每日大減的銀行結餘外，仲有約三萬億外滙儲備，係香港貨幣基礎近二倍。所以可以認定為港元係聯滙保障下冇下跌空間，要賺取價差，就是買入港元後等佢上番近7.75再平倉，當中(7.85-7.75)=0.1，再/7.85=約1.2%差價就是利潤，不過當然係經過槓桿倍大回報啦。

而息差就是借入低息放入高息地方，賺取中間利率差。賺息差最大風險就是兌換後的滙率風險，由於港/美元有聯滙，所呢部份風險只是上面價差的1.2%，可以不理(原因是我對將來走勢的時間考慮，下面會補充)。而其他貨幣減低滙率風險方法，之後有機會再講。正如上面講，美國加咗六次息，而香港冇跟，寫呢篇野時三個月libor相差有1.1%。所以理論上借港元放入美元，乜都唔做，已經可以享受1.1%無風險利潤，直到二地息差收窄冇得玩為止。

(二)由於上面呢種套息交易，令到資金流出加快，導致近期匯率貼住弱方的7.85水平，令金管局不斷買港元沽美元，我睇法係當用哂銀行體系結餘後，就會逐步加息令香港利率正常化，呢刻大約剩1500億，每日流走約一百億，即係距離加息約一個月(我斷估的)。

而係呢度用朋友的問題作為我認為嘅後續發展表達方式

如果再走資變美元, HK會點?加息?但銀行水浸喎

我睇法分為幾部曲，首先因為現正正係之前講咗幾年的熱錢(銀行體系結餘)正在流出，即係水退緊，當全部結餘流出後，港元的沽盤係用外滙儲備接貨，套息活動就像名正言順地向金管局提款。金管局可能會似98年一樣拉高息口夾息回應，而港元利率會開始上升，但由於美國今年仲有三次的加息預期，所以每次加息也會拉濶番，令到港滙繼續貼住弱方有限地向上移動，呢個亦係我上面二種方法中選擇息差放棄價差原因。因為我認為呢種情況會持續到二個息差收窄為止，而且美國仲有縮表收水影響(上次煮緊嗰隻青蛙)，所以是一段時間內會不斷追逐，因為仲要追埋未來的加息。之後因為息口上升，對資產和股市開始有大影響，我多次講嘅甜蜜時光完結。沽壓會做成更多嘅沽壓，令到過去幾年因低息而價格上升的資產回歸合理價值。

呢二個話題內容其實好多，本來應該獨立分開，但近期7.85成為熱門話題，用係港元中，我又覺得應該合併一齊睇，因為世事如棋嘛，睇哂成盤棋局，赢輸都知道自己做緊乜，所以我試試盡力簡單簡單化表達我睇法，若果有漏，下次續集。

由於近期有啲事情過度沈迷，令到更新緩慢，實在非常抱歉。