在剛過去的一星期，港股因為教育股和新經濟股引發股災。在月初滴滴在美國上市，其後以網絡安全審查理由，將該app立即下架，直至23日，再出手下令整改大陸教育股，令教育股暴跌。之後每日都有不同對新經濟股的不利消息，令到整個香港股市陷入恐慌。如果認為這次「恐慌除以14億係微不足道」可以忽略本篇。
在近幾年我對股市的所見所聞，認為這些事情遲早也是會發生，所以今次並不想就這次小股災說一些馬後炮的說話，如果有印象的話，在幾個月前，曾經也有類似的政策，那次是關於電子煙行業，國內二大生産電子煙公司巨頭，現在二股市值只剩高位時的一至三成。所以今次我反而想講講關於信心的問題。我無時無刻都會講，投資是需要安全感的。資金要安全、公司要安全、公司做生意的環境也要安全。
以上是在美上市的電子煙公司Rlx 走勢圖
關於公司安全，有一個少少經歷可以分享一下，在十多年前我只是初學投資不久，曾經買入一隻股票，而呢隻股票令我印象比較深刻原因，就係係我買入後的第二天，該公司主席就被執法部門拉咗。理由當然也是話不便透露，公司股價亦以跳水般直插，幅度冇記錯的話係超過五成。當時我仲係一個未交夠學費的新手，仲未明白止蝕的重要性。採取的措施同宜家好多人一樣，就係陪個主席一齊坐，每日除咗要搵其他可以賺番此次損失的投資機會之外，就係不停看公司新聞。看看有沒有關於主席釋放的消息，股價係呢段時間亦不負眾望，繼續向下發展。一坐就坐咗半年了，主席終於被釋放返回工作崗位。而原因就是協助調查。呵，就係咁，冇其他了，但是我當初的投資已經冇咗近八成。而我最後係靠一直溝貨，比最初投入的資金買多好多倍，以及以年計的時間，終於可以唔洗蝕錢下離場。上述公司相信大家大概估到係發生於那個國家吧。
自此之後，我買股票除咗睇數字，我仲學識要睇埋公司大股東背景，要揀些俗稱有後台或後台比較硬的公司。而關於後台假設，將性事以學術討論，在以前國內，肛交理論上會比雜交安全，因為係1x1和1xX的分別，但在今日，我覺得乜交都唔好就最安全，。
以今次為例，發射嘅類似地圖炮咁，覆蓋範圍太大，令到唔少外國基金都有不少損失。而原因唔同過往的疫情或泡沫爆破，會過去的，而是一些不能預測的國策。由於此項風險的不確定性過高，在未來投資，估值雖然重估，來填補這些風險。
以上只係純屬我過份悲觀的想法，由於香港股市太多中國公司，所以在過往我也抱住救得一個得一個嘅想法，所以不斷提出港股已死的說法，而事實上，我現在只剩幾隻中資股，在短時間內如果有比較合理的反彈也會全清。直至有外資基金以行動，俾足夠信心後才再作考慮吧。
俗語有話：不賭是贏錢
通常跌市時很多人會分享一些撈底的高技術操作，不過正等於我上面所說的，疫情或泡沫是會過去的，而一些人為因素是並不能估計，若果撈底一些國策風眼股係非常高風險的行為，係我眼中同賭博沒有分別。最後我真係請大家小心投資。
沒有留言:
張貼留言