冥通銀行貨幣都係貨幣(加密貨幣、虛擬貨幣)

每隔幾年Bitcoin(BTC)、ethereum(ETH)等的加密貨幣市場，都會出現一次大升大跌的情況，而每次都會聽到或睇到好多一夜暴富或破產的故事，我由始至現在也只是極少度參與過，試試在此淺談我對這種投資的看法。

首先大概形容一下這種貸幣是什麼來的：第一隻的加密貨幣Bitcoin在2009年左右出現，目的係以去中心化的機制，同傳統各國貨幣唔同，沒有一個中央銀行可以發行及管理。只係由一堆密碼來形成。由於能夠開採量只係固定，所以唔會有濫發嘅情況，想得到呢種貨幣有二種方式，一種是挖礦，只要有一部高運算能力的電腦，通過解釋原始碼來獲得，任何人也可以參與。而另一種方式就是用現有法定貨幣購買。係不久之後就相繼出現eth等，至現在成千上萬隻的加密貨幣，什至已發展成交易所，令各加密貨幣可以兌換。

我並唔係專家，而且對呢種貨幣的認識也只限於去到開採及買賣，現在出現的槓桿合約，我是一無所知的。

我對加密貨幣的印象，誇大地說比較像一種充滿高風險的黃金和白銀的投資。而我對黃金白銀睇法可以參考返我之前二篇黃金與白銀的冒險。我理解為投資加密貨幣也是對法定貨幣投下不信任的一票，但係當然有人只是單純想一夜政富，根本冇理會前恩後果。至於高風險，因為加密貨幣並不像黃金白銀有一個長遠嘅歷史地位和實物存在，係資產角度來看，價值同零唔差好遠。

係疫情期間，世界各國不斷寛鬆貨幣政策即係印銀紙，直接或間接地令更多人知道預先透支咗嘅經濟係要還嘅。再加上好多名人推介，令到突然間好多人加入戰場，但在多國打壓下，在過去短短幾個月經歷盡繁盛衰退情緒。

這些現象我認為和打壓黃金白銀情況相若。因為法定貨幣係各國中央銀行能夠不知不覺從市民手上偷走金錢的用具，若果某一資產打破呢個局面，等同於斷佢財路。打壓係必然，全力禁止只係時間上問題。所以標題上寫著冥通鈔票也是貨幣，在理論上只要不是政府能夠操控同監管的貨幣等價物，最後結果也是一樣。黃金白銀因為有物理上的需求，所以可以避開此結果，但係價格也長期受控。

另外一個巨大風險係貨幣本意，加密貨幣即使升值到能買起全世界，但係沒有接受該貨幣交易的賣家，也只是存放於電腦內的數字。在推出至今已經超過十年，但試問實際用到去購物的有多少人。當泛用性過低，是不是有違貨幣係交易工具的本意？係呢個香港，揸住一個裝著價值二十幾萬Bitcoin的USB手指和一個價值一萬六千蚊的楓葉金幣去買麵包，我相信絕大多數嘅老闆，寧願收一個金幣而唔係btc。在一個市場上，貨幣若然沒辦法直接變換物質，存在的意義自然變得薄弱。

雖然我認為有以上毀滅性的風險，但我並不會否定加密貨幣的存在，我認為如果以投資角度，需要一個比較長遠嘅時間，等各國完善咗佢地偷市民手上錢嘅制度，再等一個完善嘅商品交易系統，加密貨幣也能廣泛使用。(但係以香港為例，只是派五千元的消費券也可以製造咁多麻煩，就算世界流通，香港也會例外)

在最開始時我也利申咗，我係持有三種加密貨幣，但是我所持有的並不是直接購買回來。在未來嘅時間，我也會睇好地持續慢慢收集。但係用錢買的話，我會用一些意外之財買一些極度低價的冷門貨幣搏爆大冷，少賭宜情，輸清也唔會肉痛。我強烈反對槓捍操作這種投資，因為每種加密貨幣也一樣，不確定性太高，條數完全計唔到。若果有興趣參與呢個市場，我會建議留意一下鄰國礦難低價出售的礦機，慢慢挖再等下一次瘋狂的盛宴。

近況更新：香港股票市場唔洗多講啦，幾年前已經死去，最近連股王都唔王囉。至於美股，我認為已經透支咗經濟復甦的結果，每次破頂後啲人就更保守，或者係我因為上年三月情況後有啲怕，每次我都會及早收手。