都話咗貔貅係吸財架啦 (ipo新股認購)

話咁快又事隔一年了，由之前遇到疫情要戴口罩，到宜家大家已經習慣戴口罩外出成為身體一部份一樣。有很多事很多人也隨著時間被遺忘，希望大家仲會記得我，以下將會係紀錄番係過去一年，我由失敗再變回冇咁失敗嘅經歷。

上回提要：大概係我輸到比破產更破產情況下(簡稱破破產)，同朋友合作展開的一個新計劃，其實又算唔上係新，因為本來呢樣投資一直有做開，只不過由上年開始放大來做，該投資就係新股。

選擇新股的原因係因為可以係比較安全的情況、較短的時間來獲取一個比較合理的利潤。就算係市況波動或波平如鏡時，所受嘅影響也比較少。我知道現在很多討論區同財經人都會推介叫人抽新股，什至出現很多標榜有內幕消息的通訊軟件群組。但係我並不是想食人口水尾，不負責任地叫人抽乜抽物，然後即日沽出獲利。因為我認為新股由認購到沽出也是一種藝術。我只想將我近期所見，和我由上年中開始連續超過三百次獲利的看法分享一下。

係市況來看，由今年頭1024快手、6606諾輝健康時，新股市場一篇熾熱，每次也過百萬人參與，什至去到認購B組(即五百萬認購額以上）也一手難求。亦同時出現好多專家教人點抽，最普遍教法就係見熱門就抽埋一份。亦有一批人不理市況或熱烈情度，凡有新股就抽，但求有殺錯無放過、專找少人認購的黑馬、五花八門的睇法等等等等。我相信如果根據以上方法去抽新股的朋友，在啱啱過去的一個月左右會因為大熱新股2150奈雪的茶、或某些由一開始已在招股價水底的新股而嘗試失敗。我並唔係想落井下石，然後和各大專家或網友一樣認叻話自己冇抽，逃過一劫。而事實上我並唔係大部份新股也會參與，在本年度我積極參與的新股五隻手指也數得到。在我過去分享過的文章內也有提及，做任何投資前也先要做足功課，而新股也是一種投資，當然也要做功課。而經過研究招股書後，便會得出認唔認購的結論。

我嘗試解釋一下我對招股書的閱讀過程，面對多如繁星的新股招股，通常我會先看行業，如果對該行業估值冇一個幻想空間，我會直接放棄。而遇到有興趣的新股後才會看招股書，先看看發行價x總股數(不是新發行股數)得出上市後市值，再看看公司盈利能力，當然宜家呢個病態市場下，新上市嘅公司未必有盈利能力(呢個我覺得係瘋狂嘅情況之後下篇再講)。假設係有盈利下，下一步再看看過往三年業績的增長情況。睇完一大堆數字後，大致可以比較一下同類型已上市的公司現價估值，看看有冇一個吸引的向上幻想空間，在我角度下，只有2-30%唔算幻想，只是白想，因為由決定抽直到賣出那新股，當中要付出認購手續費、利息、抽新股經紀佣金、證監會徵費、賣出佣金和交易稅項等等等等，如果預期利潤太少，而又不足令我冒險的回報下，我也會選擇放棄。而之後就到看招股書的原有股東及機構投資者方面，如果公司本質係好，前期或本次也會吸引到有實力的基金加入，如果有唔錯嘅基金巨星係名單之列，就可以提供更大嘅信心認購。

以上大致係我睇招股書的流程，我敢擔保一定有寫漏，而且對每一行業的睇法也有不同，很難一一盡錄。不過係我角度，如果連公司基本資料也唔了解就決定認購，只是同賭錢冇分別，既然是賭，當然會有贏有輸。

至於認購注碼方面，我一直覺得人生太短出手要更大，旁觀者不需理解。話得all in，戶口同褲袋就唔應該有錢剩，有剩的錢等於缺乏的信心。

我近期之所以比較少參與抽新股，主要是因為現在上市的新股估值太過高。當我假設利潤是30%，而假設下跌空間也是30%時，我當然也果斷放棄。因為賭博有更多種，唔將自己置身於危險係我嘅人生目標，否則點對得住係身邊支持我嘅人。

總結我認為認購新股係一個唔錯的投資，但是香港人的即食文化太過普遍，更會怱略一些明日之星的新股。嘗試一下以投資公司角度才認購新股，可以減少好多損失的機會。利申：如果我有三百億，我一定唔會投資一間茶飲店就係最簡單冇認購大熱新股嘅原因，多謝。

近況更新：黎緊我會嘗試開研究patreon，但我係電腦白痴問題，進度也會比較慢。而開嘅原因係，呢個blog開始原意是想將我的投資故事分享，故事當然是過去式，而我想將現在進行式分開，即是假設我會認購邊隻新股或將會長短期投資某股的睇法，可以當作係個股的分析，會先在patroon更新，當然會盡量以免費形式，但係有可能被鬧的投資建議題材會以收費的形式。最後我真係整到落呢個平台先再係呢度更新吧，因為近排仲有好多新股排隊上緊。

係度再次謝謝看到呢度，而又冇忘記成日唔記得更新嘅我的朋友，謝謝支持。