佛系投資 (投資心態)

係最近網路上出現咗一系列嘅佛系形容詞，「緣份到了，自然會有結果」簡單咁睇，即係等運到。係現在生活艱難年代，隨遇而安，學識「放下」不失為一個輕鬆解決問題的方法。睇番自己多年投資心態，其實都幾佛系投資者，所以想借呢個「佛系」分享一下我的投資心態。

貔貅的佛系投資：

不聽消息，作為小小投資者以及黃子華迷嘅我，永遠都唔會忘記佢所講的「number降」，係世界上最厲害嘅降頭。有人俾一個貼士你，你除左知道係一個數字之外一無所知，但又會將成副身家放哂落去。正是我之前提及過的財經人同報導等，佢地介紹一項投資是有「目的」，所以我從來唔會理會任何消息。

不頻繁交易，很多人會認為要係股票市場搵食，每日需要做很多買賣。但其實我係懶到一個極點，唔到最後或唔係肯定賺嘅機會比輸大，我都唔會出手。每次交易都有成本同風險，做少啲，咪可以降低囉。例如做十次1%(炒下格仔)，不如我做一單10%的交易更經濟化算，因為已慳共計十八次的交易成本，同额外九次的風險。

不恐懼，如果係有做足功課情況下，信心能夠幫助克服恐懼。面對自己解決唔到問題時，抽身放開，試試問另外一隻貔貅，以旁觀者解答下，如果係其他人問呢個處境，現況應該怎樣處理。冇事情係解決唔到，不過因為身處局內才唔知點做。

不睇短期走勢，當然是講長期持有的股票，買入時預期長缐投資的話，我係唔會理會任何少於10%的少波幅，唔會為此高興或難過。而睇圖更只會睇周線圖，嗰啲乜星乜杯乜交差嘅圖留番俾專業人士硏究，我只追求簡單為主，三十同五十週缐行得順同足夠斜度就ok(有機會再詳細講)。

不被情緒影響，我是追求輕鬆為主，若果靠投資生活而又要面對大壓力，不如正常打工。打工壓力源頭只有老闆一個，投資壓力來自四面八方，每一個大國的一樣突然的政策，也可能做成重大改變(尤其特、襲二人)。所以當我需要冷靜時，會選擇打機或睇書改變一下心情。

發呆，可能用佛系形容為打坐會冇咁懶。其實我每日發呆佔咗我大部分時間。當然唔係齋坐嗰隻，我會FF好多事(雖然成日被鬧唔好FF太多)，不過我認為幻想是最好的動力來源，如果人生冇目標同冇任何對未來的幻想，真係同條鹹魚冇分別。就像之前世事如棋咁，每日發下呆，可以諗多幾條不同方向嘅處理方法，機會一到，只是跟著自己預想方式進行就簡單得多。

積極同消極只係一線之差，隨緣也不一定是壞事。係牛市期間，由於得來輕鬆，容易令人自信過度膨脹，高估自己能力。我認為的佛系投資只是平常心，緣呢個字是有信心而耐心的等待。每一次投資也是獨立，不要將以往勝利的金錢累積計算，只有經驗同知識才是值得累積。因為眼見很多贏唔夠、輸唔認既例子，放下贏輸的執著，係長期投資的回報自然穩定。

其實由上星期已經開始想寫，不過諗唔到。好在之前我會全部想寫嘅標題都開定一個file，終於到咗拎出黎嘅時候喇，所以如果佛系呢個字已過期請見諒。近期繼續沉迷隻g shock(銀色及另外有G字嗰隻)，希望能夠擁有啦。如果有錶友見銀色靚價請pm我，謝謝。