現金流=現金．流=金錢的流動
我嘅理解現金流分為錢、資產、負債三個範疇，錢就係係呢三個形態下不停轉換。每人流出流入方式不同會令結果不同，而現金流的運用導致出現富或窮人財務上的分別。
話說，其實我並唔係想深入講現金流呢樣嘢，因為只要用google一search就大量相關文章可以參考，我又何必扮非常熟悉咁，又重複一次呢？很抱歉，要知道現金流的朋友請自行搜尋相關文章或書籍。
我今次主要想介紹一個遊戲，市面上有一本書我估計有很多人看過或聽過，就係富爸爸．窮爸爸。𥚃面大概是講述一個富爸爸同一個窮爸爸的各自理財觀念，為何富者越富、貧者越貧。這本書對我印象都幾深，因為我記得係我讀書時期開始睇嘅頭幾本書之一。當時令我非常特別激動嘅係𥚃面一個詞－財務自由(Financial Freedom)，簡直係完全符合我自少的夢想形容詞呀。(想知財務自由當中含義可以善用維基百科)
所以當時我係睇完一次又一次那本書(其實就係總共二次，因為一次係借人，一次係之後自己買)，差啲要當佢神明般供奉。不過就算識呢個詞也是冇用，仲需要方法同實戰才能完成，至於小弟故事後續有機會再講。
抱歉，上面咁耐仲未入到正題，其實介紹的就是富爸爸窮爸爸作者發明的一個遊戲：現金流遊戲(cash flow game)
遊戲內容比較似大富翁的寫實版，先選擇職業同定好人生大目標後，再擲骰子行格仔，途中需要抽卡遭遇不同的機會和事件，遊戲中有股票同物業等的投資工具，但在遊戲中要不斷審視個人的財務狀況，太過墨守成規或過份進取也會導致失敗結局，同現實生活中非常接近。好適合對現金流有興趣的朋友遊玩。
在此附上官方網上免費版連結一大條：
大家有時間可以試下玩，
利申：本人係沒有任何利益，如果有任何懷疑，請勿開啟遊玩。
推介呢隻遊戲原因是一位朋友，係不久前問我介紹一些投資理財的書藉，佢睇完富爸爸一書後問我有冇玩過裡面提及的遊戲，仲介紹番我添。令我記起其實當時已經想玩，不過未有網上版，而且正版也非常貴，慢慢就唔記得咗呢件事，估唔到事隔多年竟然可以免費玩到添，謝謝這位朋友！
認叻時間：作為機迷同愛好現金流的我當然玩完一次又一次啦，暫時玩咗幾次，有贏有輸咁啦(破產一次咁大把)，通常一局也是十分鐘內完成，裡面體驗每次也有分別，希望有興趣的人可以試試俾多幾次機會佢，同埋盡量投入角色，當中體驗會比只讀富爸爸一書有趣。
沒有留言:
張貼留言