讓時間停止 (對冲 Hedge)

對冲，如果有接觸開財經新聞同資訊都非常熟悉的名字。最常聽到的就係對冲基金，呢個名詞好像對我這些散戶來說相差好遠，但當我認識運作後，其實並不困難，俾我的感覺就像令時間停止一樣的操作。

對冲係一種避免風險的操作方法，通常會用係外滙、利率同股票等等等等的投資。一單交易看好就買入，看差就賣出。每一次交易都像神一般的命中當然能夠日日大賺，但如我這種凡夫俗子，只能靠另外方式來減少失誤或市況波動帶來的損失。

而對沖即是係買入時亦做埋賣岀的動作，冇錯，買大又買細，可能會有人問咁點贏呀？如果適當地運用買同賣二方面的比例，一樣係可以贏的，因為例如係外滙市埸，除左沽岀相同貨幣亦可買入對家(另外國家)的貨幣做對冲，還有通過控制買沽比例，令到賺多輸少得到利潤。不過由於要解釋過於複雜，也是我之後有機會再寫一個詳細解釋。畢竟遊戲一開始就打大佬通常都沒有好結果，若果有高手願意協助，歡迎指教。

而今次我想說的就是由日常生活開始做對冲，以下是小弟的小小例子：

香港人最鍾意的旅遊 (外滙)

去一個外地的旅遊，雖然可以使用信用卡，但通常都會兌換外幣來應付購物、食物同交通等開支，在我而言，通常也是預多比預少好，很多朋友也知道我最近去了一次澳洲旅行，由於我並沒有計劃一個旅遊日數，所以係預算洗費時相對麻煩，最後我決定兌換較為鬆動一些的現金，係銀行等待兌換期間由大約6.15左右直到完成交易時已跌至6.07先到手，令我感到澳元近期波動可能較大，於是決定做一個對冲的動作來避免使用或剩餘的兌換差價損失，係6.05左右沽空出相等數量澳元，係旅程完結後，再將澳元兌回港元，同時將之前沽空金額平倉，當完成時澳元己跌至5.7，二者存在了近6%的價差，由於沽空部分帶來利潤來填補銀行兌換回的損失。若果沒有做對冲，剩餘的外幣將會帶來消費以外直接的6％額外損失，令一個完美完結的旅程帶來不完美。而我所付出的只有買入同沽出的交易費以及沽空期間以日計的利息，總成本也大約只有0.2%，就像將兌換外幣後的時間停止。

現代人不可或缺的電子用品 (日常消費)

小弟由好耐之前已經係一個不折不扣的果迷，iphone、i乜同i乜等當然也是我長期使用的產品，android迷可能會覺得佢定價高或舊科技等，為咗避免被攻擊，其實多年前我也支持過其他的。曾經間接持有三星samsung股票，不過後期覺得公司同另外的an機對手欠缺壟斷性而微利一倍就沽清了。

相信很多人也知道i系列係用一個封閉性系統，作為一個用家習慣而言，慣性難以突然一下子轉換，就像當年window一樣。而每賣一部iphone的純利之高係各大科技報章都曾經刊登(食水深)，而且近代年年加價(冇人性)。

咁既然我又要用，公司又咁好賺，我點解唔參與一份呢，於是我就在某年開始，每買一件產品就至少買相同價值的股票，目的是對冲我使用週期後，下一件產品的大幅加價，同公司分享盈利。排除股價表現，只是週期內股息也足夠應付下一部加價的部分。(因爲今次重點係對冲日常消費，並不是價差交易，所以股價部分沒有提及，但有興趣可自行留意近幾年aapl走勢)

而由於是對冲生活用，所以只要繼續使用也會繼續持有。

以上例子只是近期咁啱係我生活上出現，其實實際應用會更多，由於每個人生活方式不同，就像外滙例子，假設選擇直接損失用剩的外幣差價也只是一千幾百，也可能會覺得㩒掣交易太過辛苦而唔做。但適當地運用工具來對冲生活也是經驗累積的一種方式，希望能夠帶俾有興趣的人一些新想法啦。

終於打完，估唔到打二個例子咁多字，最近係不同討論區同朋友之間都見有人爭論牛定熊市，過份投入只會令自己帶來緊張，既然自己有想法，何必理會他人呢？自己都唔相信自己，仲有誰願意相信你，堅持到底就是勝利。(好似係岀自舊港産片-絕世好賓)

近期，我買咗ps4的二之國2，係日系rpg遊戲，勁好玩啊，有興趣朋友可以上youtube睇下gameplay先，玩咗幾十個鐘為止，畫面同遊戲操作整體完全冇令我失望。