金錢價值觀 (金錢心理學)

神創造一些昂貴的物質，係為咗讓人類用腦去思考如何去得到它們。當需要思考如何可以免費得到它，這就是富爸爸所寫的財務智商。

我之前看過一本書，書名叫金錢心理學。書中一個非常有趣的東西就係心理帳戶，每一個人心目中都會把錢分配給不同的用途和類型，而且還會設定那一個類別應該洗多一點、那一個類別洗少一點。

有其中一個例子就是，同一餐晚餐，如果是以平常日子的晚餐來說，埋單要二三千來說，可能會認為太貴了吧，但若果以和親人慶祝的話，又會比較願意接受。

而另外一個例子，如果一張戲飛一百蚊來說，係入場前跌咗，要再俾一百蚊買一次，人們就會覺得付出左雙倍的價錢去看這一場戲。但是如果跌的不是戲飛，而是直接掉了銀包𥚃的一百元，就唔會認為自己是以雙倍價錢去看這一場戲。

這些原因，也是因為在消費心中不同的帳戶而形成。人們通常會跟據收入的來源去決定消費的模式。工作收入因為穩定，所以定做日常生活開支，會洗得很平均。而一些額外收入，例如花紅或投資獲利，會因為係意外之財，消費起來，自然會比較鬆手和豪爽。

如果認識我本人的朋友，都知道我喜歡一些比較貴的手錶。可能會有些人認為不值、或應該用黎買股、或應該用黎買樓、買資產等。用係其他地方可以為我將來帶來更多。但事實上，係唔係真係會咁？自從我踏入社會工作後，所買的物品也沒有太大經濟壓力，放棄工作後也是如此。正如一開始引用富爸爸所說，當你想擁有一樣物品，不斷再思考點樣可以擁有它，是一種過程。

因為一般人來說，平常買一隻手錶可能只需要在日常生活中節儉一點，就能得到。但只是將自己的想法被現實環境所局限，將價就貨來接受。將一些自己得不到、或者要用幾年薪金才能買得起的東西列為奢侈品，認為只係炫耀用途。但其實只是逃避認同他人付出的努力。

雖然本書係叫人不要亂消費的，但我認為唔好被心中的帳戶影響自己，應洗則洗，人生短短幾十年很快就過去。節儉係美德，但只要係理性的，適度地消費來滿足自己，能夠有更大的推動力令人進步。

富爸爸亦講過，你可以選擇學習同思考買到你想要的，或生活在平均以下的水平。

思考、研究、行動和實踐的方式，能夠令你可以得到它。

這是2020年第一次寫blog，話咁快已經就過了二個月了。因為想俾啲目標自己，睇吓今年有冇咩想買，所以突然記得要寫下呢度。如果呢二個月有留意投資，都會覺得很古怪吧，明明(武漢)肺炎係全世界擴散得咁嚴重，市面上亦非常冷清，但樓市同股市都完全冇反應，什至仲有上升。這些情況，我相信係有國家隊托市嘅影響，所以我並冇做任何買賣，繼續保持要安全買黃金白銀心態，不過宜家都開始高位又有古怪了，其他避險的債券和日元沒有上升，反而只有黃金白銀上，感覺唔似因為股市就爆而流入金銀避險，所以少做少錯為前提，唔做買賣。

雖然遲咗，祝各位鼠年快樂